一切放入陰道入面嘅嘢都有整損處女膜嘅風險。處女膜只係陰道較外面嘅環狀組織，中間通常有足夠空洞俾棉條經過，可以講處女用棉條係無問題。不過我明白新手上路同係比較乾嘅情況下，整損左流血係絕對有可能。用棉條唔小心整損左，又係唔係真係等於失左隻豬呢？如果你心入面真係好著緊，真係接受唔到任何整損嘅可能性，揀返用M巾就可以了。 新手教學可以參考一下呢一度呢—有埋圖解容易理解得多。 http://womany.net/read/article/4601 以下係我用棉條嘅心得： * 同自己嘅陰部做朋友。話說好多人連陰道係邊都唔知道，又點樣開始用棉條呢？可以試下係有私隱嘅環境（例如沖涼之後)，坐低分開雙腳，輕輕用手指擘開陰唇，用一塊鏡仔去認識一下外陰部嘅結構，嘗試辨認陰道口嘅位置，好快就會記得要放入去邊度 https://lianhonghong.com/infographic/tu-ji-yin-bu-zhong-xin-chu-dao-ji-hua-nu-xing-si-mi-chu-chang-shi-mo-yang-zi * 唔好一買就買高流量。買M巾但求唔會滲漏，好多人都會買特長型號。棉條愈高流量就愈粗，對於初心者黎講個恐懼感會大啲。我建議先買一般流量，等自己習慣左使用同留意到經血量變化時先調整型號 * 用有導管嘅容易上手。條導管可以幫你較輕鬆地將條棉條唧入去陰道裡面，只要就啱角度就可以入到足夠深度。導管嘅平面順滑，即使頭個一日經血量較小而感覺較乾，不適感覺會較細。唧入去個刻保持平常心唔需要太緊張，好快就可以一take過就放到入去 * 唔好唔記得更換。同M巾一樣，棉條都需要定時替換黎確保有足夠吸力，一般都係4–6個鐘就換一條。例如朝早起身換條新嘅，去到食lunch個陣就要換。瞓覺一樣可以用棉條，但唔可以放係身體入面超過8個鐘 想分享你嘅自慰經歷？想有野問下小好奇？放馬過黎啦！ https://peing.net/en/siuhokei